هذا جزء فقط من المقال. للتكمله هنا https://www.facebook.com/groups/1075540857013659/
مقال صحفى للدكتوره محاربه مصر اقتصاديا
١٩/ ابريل/٢٠٢٤
" السلام عليكم و رحمة الله ,
هذا حديث صحفى لوالدتى مع صحيفة فورتشن الإقتصادية الأمريكية التى تصدر بشكل دورى فى الولايات المتحدة الأمريكية , لم ينشر بعد , و لكنها فضلت ترجمته و نشره هنا اولا لتجنب الإجتزاء و الإقتطاع , لا تثق أمى بالأمريكيين أبدا و هم لا يستحقون الثقة بالفعل , قمنا بترجمته للعامية المحلية التى تفضلها للتواصل معكم , //
الحديث طويل لذلك على غير المهتم بالأمر تجنب قراءته و نرجو إلتزام الاحترام فى التعليقات , الشكر لكم ,
-------------------------------------------

في البداية احب اشكرك علي قبول طلبي لإجراء الحوار و كم أتمني ان يكون سلسلة حوارية

اشكرك جدا .. لكن انا مبحبش الاعلام عموما في العالم كله و مبفضلش الانخراط فيه
ف هو حوار واحد بس

حسنا .. لنبدأ
احب اهنيكم علي تغير نظرات وكالات التصنيف الدولية للاقتصاد المصري الي ايجابية

هي نكتة لطيفة لكنها تفشل دوما في اضحاكي

ليست نكتة هي تصنيفات هامة

طيب .. عشان ابدأ حواري معاك لازم نتفق علي امور بسيطة
ان انا مجرد مواطن مصري عادي جداااا .. ارائي و افكاري لا تمثل إلا نفسي .. مليش علاقة بالحكومة المصرية و لا موظفة فيها و لا مقيمة في مصر كلها زي ما انت عارف ومش ناوية حاليا .. ولا امتهن مهنة الخبير الاقتصادي الهلامية دي اللي هبطت بالباراشوت علي مصر فجأة .. انا دارس لعلم الاقتصاد ومتخصصة في الاقتصاد والعلوم السياسية و حذاري تكتب فوق الحوار اللقب المتخلف ده بتاع الخبير الاقتصادي هعتبرها اهانة
اما بالنسبة لسؤالك : انا لا اعترف بالتقييمات و لا التصنيفات الائتمانية اللي بتصدرها الوكالات و البنوك الامريكية
لانها جميعا مؤسسات مسيسة وتحريضية و ادوات ضغط سياسي لا تمت للاقتصاد بصلة
و انا شخص بحب اوثق كلامي بالأدلة
في اكتوبر 2023 كانت الاوضاع الاقتصادية مستقرة و لا توجد هناك اي متغيرات ... و سددت مصر اقساط ديون كمان
و مع ذلك فوجئنا بكل الوكالات تخفض التصنيف زي فيتش و موديز و المؤسسات البنكية اللي مش بنتعامل معاها اساسا بتطرد السندات المصرية من حافظة تعاملاتها زي جولدمان ساكس
السبب كان معروف طبعا
و هو الموقف المصري الرافض لتهجير الفلسطينيين من ارضهم و الموافقة علي احتلالهم ارض سيناء
يعني يتركوا ارضهم للمحتل الاسرائيلي و يجوا يحتلوا أرضي و ياخدوا اغلي جزء فيها يبنوا عليه دولة لهم
و كل الوكالات اخدت نفس النهج من بعد اللقاء التلفزيوني بين الرئيس السيسي و اولاف شولتس و جملة الرئيس " ليتم نقلهم الي صحراء النقب لحين انتهاء العملية العسكرية "
التخفيض كان عقاب اقتصادي لمصر لرفضها التفريط في سيناء و اللي مش هيحصل علي جثثنا حتي .. يعني واحنا اموات بردو مش هيحصل وجثث ابناءنا كمان
مش هيكون حل الدولتين اللي يتكلم عنه بايدن و بلينكن هو ترك ارض فلسطين لاسرائيل تقيم دولتها و اقامة دولة فلسطينية في ارض مصر ابداااااا
يعني التخفيض جاء عقوبة اقتصادية لفعل سياسي يا سيد چيم

معني كلامك ان هناك من يوجه الوكالات الائتمانية سياسيا

طبعا .. و اعتقد انك عارف ده كويس

انا لا أعرف شئ .. اخبروني انك ستحاولين الايقاع بي لذلك لن اتورط

سأعتبر ذلك هروب انيق من اجابة تخشي الادلاء بها يا عزيزي

اذن .. في حال لم تكن التقييمات الايجابية لتلك الوكالات مؤشر لنجاح الاقتصاد و تحسنه .. فما هو المعيار

اقتصاديا التقييمات دي هراء ملهاش قيمة
في معايير كتير طبعا اهمها :

تحسن حياة الافراد
و ده معيار لا يمكن الاستناد له حاليا في مصر نظرا لارتفاع الاسعار و التضخم و عدم تناسب الدخول مع الاعباء دي خاصة لاصحاب المعاشات و دي شريحة غير قليلة و تعاني جدا
لكن قدرة الدولة المصرية علي توفير جزء من الحماية الاجتماعية لبعض الفئات زي مظلة تكافل و كرامة ده تحسن اقتصادي

قدرة الدولة علي جذب استثمارات جيدة طويلة الاجل
ده تحسن اقتصادي

نجاح مصر في اقامة اكتر من منطقة اقتصادية في وقت اقتصادات كبري اوشكت علي الاغلاق و عاجزة عن توفير احتياجاتها و ليس التقدم خطوة للامام
زي ألمانيا و بريطانيا و فرنسا
ده معيار تحسن
" و مع ذلك مسمعناش وكالات التصنيف قربت منهم و هما بيفلسوا "

تحسن جودة ميزان المدفوعات و تقليص العجز
ده معيار تحسن

قدرة مصر علي اقتحام مجالات هامة عالميا و المنافسة فيها .. زي الطاقة و خصوصا الخضراء
ده مؤشر يجب الاخذ بيه

في الوقت اللي فيه دول كتير تخلفت عن سداد ديونها و دول تانية متعثرة و طالبة أجل زي فرنسا مثلا
مصر ملتزمة و بتسدد كافة الاقساط و خدمة الدين في مواعيدها
و العجيب ان وكالة موديز تخفض لمصر عشان الديون بينما ترفع لفرنسا من BBB الي BB+
و ده طبعا عشان يسكتوا ماكرون عن فضائح بايدن و الغرب
لذلك ف كل تقارير تلك الوكالات هي تقارير مشبوهة سواء ايجابية او سلبية و اي اقتصادي محترم مش هيهتم بيها

هذا يعني انك تثقي في نجاح الاقتصاد المصري

تقريبا انا اكتر حد بيثق في الاقتصاد المصري .. و عارفة ان برغم الحصار سننجو

اذا كان هناك حصار .. لماذا قامت الوكالات برفع تقييمها

بتلف و تدور حول نفس النقطة يا عزيزي
لكن هجاوبك بصراحة
مجاملة لصندوق النقد الدولي
نظرا لنجاحه في اجبار المركزي المصري انه يخفض الجنيه المصري

تقصدي تحرير سعر الصرف

تدمير قيمة الصرف ... تفرق كتير
احنا كنا حررنا سعر الصرف بالفعل و انهينا الأمر في 2016
لكن صندوق النقد اجندته مختلفة شويتين

قبل الاسهاب في ذلك القرار
هل ممكن اعرف وجهة نظرك في دور صندوق النقد الدولي و قراراته و نشاطاته
خاصة ان العلاقة بين الصندوق و مصر ليست دائما جيدة

سؤال ثعباني .. انا عرفت انك خريج اقتصاد جامعة برينستون .. أليس كذلك

نعم .. ما علاقة ذلك بسؤالي

له علاقة .. معناه انك درست نماذج اقتصادية لعدة دول و شوفت اوراق بحثية لمعضلات اقتصادية و دول لها تجارب مع صندوق النقد
هل ممكن تشاورلي علي نموذج ناجح للتعاون ده
او برنامج اصلاح قدمه الصندوق ساهم في انقاذ اي دولة
و انا اقولك ليه العلاقة مش جيدة

لا يوجد في ذاكرتي نموذج معين .. انهيت دراستي منذ 26 عام سيدتي

و لو دورت في ذاكرتك مش هتلاقي
و انت عارف ده و بتتهرب من الاجابة ايضا
كل البرامج الاصلاحية اللي بيقدمها صندوق النقد هي برامج تعسفية ... قائمة علي التضحية بشريحة مجتمعية معينة في مقابل ضمان ارباحه
صندوق النقد مش مؤسسة خدمية و لا هو الام تريز ... ده مؤسسة ربحية بالمقام الاول
و ده اللي حصل في مصر
تآكلت الطبقة المتوسطة تماما
و مستمر في تعسفه
في وقت التضخم فيه مرتفع و الاسعار منفلتة بيطالب برفع الدعم عن الطاقة والكهرباء ... و من غير المنطقي طبعا الطلب ده
في حين فشله في توفير البديل
يعني عايز مصر ترفع الدعم عن الطاقة و الكهرباء و اللي هيتبعه رفع اسعار كل شئ في حين ان مفيش دخل متوفر للافراد متناسب مع الطلب ده
و ده طبعا ضغط علي المواطن
و ده السبب في الخلاف الدائم بين الحكومة المصرية و بعثة الصندوق .. ان طلباته خيالية و مؤذية و ضارة باستقرار المجتمع و كأنه بيسعي لتوسيع الشقاق بين الحكومة و الشعب .. و كأنه بيستهدف خلق الفجوة دي " و مشيها كأنه قال يعني مش هدف له "

لماذا اذن لجأت مصر للصندوق

عندنا في مصر مثل بيقول اللي رماك علي المر اللي أمر منه
" you should chose the worse to avoid the worst "

توضيح اكثر من فضلك

في 2013 لما الرئيس السيسي استلم الدولة .. كانت الخزينة المصرية فارغة
و ده مش بسبب حكم الاخوان فقط

وزراء مبارك سرقونا قبل ما يمشوا بعلم مبارك
يوسف بطرس غالي وزير المالية الهارب في لندن بالاشتراك مع عاطف عبيد رئيس الوزراء استولوا علي 435 مليار جنيه اموال المعاشات .. صندوق اموال المتقاعدين و ضموهم لموازنة الدولة علي الورق فقط لان كان المفروض مصر تعلن افلاس الموازنة وقتها
اخدوا اموال المعاشات عملوها بند ايرادات وهي اصلا مديونية علي الدولة لأن المتقاعدين دفعوها سابقا
لكن الحقيقة ان الاموال دي اتحولت حسابات سويسرا معقل لصوص العالم باسم السيد رئيس الوزراء و الوزير و الصحاب و المعارف و اللي حولهم لدولارات و هربهم برا مصر
و الوزيرة ميرفت التلاوي علي قيد الحياة و عارفة الكلام ده كويس
اموال المعاشات بعد ما كانت نصف تريليون جنيه بقت صفر
و الدولة حاليا بتسددها من بند ايرادات الموازنة و ده عبء شهري
ده نموذج واحد من نماذج الاستيلاء علي الاموال و المقدرات المصرية قبل عهد السيسي

كل الوزارات كانت مدينة لبعضها بديون خرافية ومش حقيقية
كلها مجرد مستندات ورقية .. تستيف ورق يعني و لو الجهاز المركزي للمحاسبات اتشكلت منه لجنة لمراجعة الديون دي هنطلع بنتيجة جيدة

ارث جمال عبد الناصر الصناعي .. كرامة المصريين اهدرها فتي صندوق النقد المدلل اثناء وجوده في الوزارة في الخصخصة و مدخلش خزينة الدولة دولار واحد
كلها راحت في حسابات مبارك و ابناءه وحاشيته
مصانع المصريين و شقاهم و تعبهم اتباع برخص التراب .. و اتسرقت اموال البيع و بقينا شعب مستورد لكل شئ و عالة علي الشعوب المنتجة
وارتفعت فاتورة الاستيراد في حين انخفاض التصدير لعدم وجود منتجات مصنعة

اموال استيراد السلع الاستراتيجية كانت بتتحول لحسابات خاصة
و مش بيجي سلع
و بتتسجل انها دخلت البلد
و ده طبعا كان بيفاقم العجز لحد ما وصل درجة مخيفة اوشكنا علي الافلاس

وبعدين جه قطيع البهائم المسمي الاخوان المسلمين دمروا الاحتياطي النقدي في البنك المركزي
و اصدروا سندات فشلوا يسددوها
و وقعوا البورصة بغباءهمو اللي شال أكل و شرب المصريين المليارات اللي طلعت من الجيش للشعب
السيسي استلمها صفر في كل حاجة ... و تم مطالبته بديون عمرها 33 سنة
مبارك مكنش بيسدد ديون .. كان بيدفع اجزاء من خدمة الدين .. يعني مش خدمة الدين كاملة كمان
و بعدها ياخد ديون تانية استهلاكية مش انمائية
المفروض كان يعمل ايه السيسي وقتها ... هو ساحر مثلا
مكنش عنده بدايل اخري

جدولنا الديون القديمة و كأنها دين جديد بفوايد جديدة

اخدنا مضطرين ديون جديدة عشان البلد تقف علي رجلها " ده تعبير مجازي بنقولوه في مصر مقصود بيه استعادة قوة الدولة "
Comments